Aurten be, urtero lez, Agate Deuna bezperan Ikastola osoan izan dogu zer ospatu.
Bariku goizean, Ikastolatik urten eta irakasleen laguntzaz, adin guztietako ikasleak, Agate Deuna abesten ibili ziran Bilboko auzoetatik, inguruan pasatzen ziranei Palenqueren aldeko limosna eskatuz.
Arratsaldean, iazko esperientzia ona izan zala eta, ikasle, irakasle, guraso eta lagun talde handi bat alkartu ginan. Ikastolan azken saio orokorra egin ondoren, Agate Deuna abestera urten genduan.
Ikastolan hasi eta Begoñako basilikan, abadeen egoitzan, Mallonako futbol zelaian…abestu ondoren, Santiago plazan Ikastolako dantza taldeak erakutsitako dantza-emonaldia izan genduan. Ikuskizun bikaina, benetan!.
Egunari amaiera emoteko, Alde Zaharreko Plaza Barrira jo genduan, bertan Guraso Alkarteak tortilla batzuk jaten gonbidatu ginduzalarik.
Egun horretan parte hartu genduan guztioi esker, Palenquera jasotako 1.110,83 € bialduko dira.
Eskerrik asko guztioi!
ABESTIA:
ABESTIA:
Aintzaldu daigun Agate Deuna
bihar da ba Deun Agate,
etxe honetan zorion hutsa
betiko euko al dabe.
Deun Agatena batzera gatoz
Begoñazpiko umeak,
honen bitartez eskatzen dogu
zabaldu zuen sakelak.
bihar da ba Deun Agate,
etxe honetan zorion hutsa
betiko euko al dabe.
Deun Agatena batzera gatoz
Begoñazpiko umeak,
honen bitartez eskatzen dogu
zabaldu zuen sakelak.
Orain bagoaz alde egitera
agur deutsugu gogotik;
Agate Deuna bitarte dala
ez eizue izan dongerik... IEUP!!
agur deutsugu gogotik;
Agate Deuna bitarte dala
ez eizue izan dongerik... IEUP!!
